Beredskapen i jernbanesektoren skal styrkjast
Samferdselsdepartementet bør kunne påleggje jernbaneaktørar beredskap og oppgåver ved ekstraordinære hendingar, foreslår regjeringa.
– Samfunnet har vorte meir sårbart for store hendingar. Jernbanen er eit av områda der regjeringa vil styrkje beredskapen og samarbeidet mellom ulike aktørar, både offentlege og private. Vi sender derfor no på høyring eit forslag til forskrift som vi gi betre beredskap i sektoren, seier statssekretær Ingelin Noresjø (KrF) i Samferdselsdepartementet.
Forskrifta skal bidra til å sikre at jernbaneverksemder har beredskap for ekstraordinære situasjonar og dermed ein effektiv tilgang til jernbaneressursar ved ei større hending eller krise.
(©NPK)
Statssekretær Ingelin Noresjø (KrF) i Samferdselsdepartementet. Foto: Stian Lysberg Solum / NTB / NPK
