Berge til EM-finale i bryting

Stig-André Berge har gullsjanse i 63-kilosklassen i EM i bryting i Romania etter siger over Taleh Mammadov i semifinalen.

Nordmannen vann 5-2 over den aserbajdsjanske motstandaren sin i semifinalen i Bucuresti. Tidlegare fredag slo han ut armenaren Slavik Galstyan og kviterussaren Maksim Nejoda.

Berge skal møte russaren Stepan Marjanjan i finalen laurdag kveld. Der har han moglegheit til å ta den første internasjonale gullmedaljen sin. Berge har tidlegare vunne EM-sølv, OL-bronse og VM-bronse i gresk-romersk bryting.

For Anders Rønningen i 55-kilosklassen vart det for tøft i semifinalen mot Florin Tita frå Romania. Han tapte knepent 4-5, men har framleis moglegheit til å vinne bronse. Laurdag skal han ut i kamp mot tyske Fabian Bernhard Schmitt.

(©NPK)

Stig-André Berge etter OL-gullet i Rio de Janeiro i 2016. Foto: Heiko Junge / NTB scanpix.

ANNONSE
Annonse