Bilbrann i Ålesund - person død
Ein person er stadfesta omkommen i samband med ein bilbrann i Ålesund sentrum.
Politiet fekk melding om saka klokka 7.31 onsdag.
- Ein bil stod i full fyr ved inngangsdøra til tinghuset. Ein person som sat i bilen, vart stadfesta omkommen, opplyser operasjonsleiar Tove Anita Asp i Møre og Romsdal politidistrikt til NTB.
Brannen vart sløkt på kort tid.
- Vi veit ingenting om kva som har skjedd. Det vil etterforskinga vise, seier Asp.
(©NPK)
