Nordre

Boasson Hagen heldt tritt og forsvarte leiartrøya

Edvald Boasson Hagen hang med tetgruppa og sikra samanlagtleiinga på den småkuperte etappen i sykkelrittet Volta à la Comunitat Valenciana fredag.

Rudsbygdingen viste tydeleg at han hadde ein god dag på sykkelsetet. Han vart sett under press, men nekta å la seg knekke trass ein tøff etappe på 191 kilometer og fleire stigningar undervegs.

Boasson Hagen hadde ikkje nok krefter til å vere med i sigerskampen. Der var belgiaren Greg Van Avermaet den sterkaste og vann føre Matteo Trentin frå Italia.

I mål trilla Boasson Hagen inn til ein 14.-plass. Han fekk same tida som resten av tetfeltet. Dermed er han framleis i den gule leiartrøya når han går i gang med den anstrengande188 kilometer lange etappen laurdag.

Nordmannen leier fem sekund føre spanjolen Ion Izagirre samanlagt.

Også Alexander Kristoff og Sondre Holst Enger er med i det spanske rittet.

Fredagsetappen gjekk mellom Quart de Poblet og Chera.

(©NPK)

Edvald Boasson Hagen var sterk og heldt tritt med tetgruppa på fredagsetappen i Volta à la Comunitat Valenciana. Foto: Heiko Junge / NTB scanpix

ANNONSE
Annonse
ANNONSE
Annonse