Bonucci forlengt med Juventus
Juventus-forsvarar Leonardo Bonucci har forlengt med den italienske toppklubben. 32-åringen blir i klubben fram til 2024.
Juventus stadfesta tysdag at forsvarsspelaren har skrive under ei forlenging som bind han til dei italienske serieleiarane fram til 2024.
Bonucci kom til Juventus i 2010 frå Bari, og har fått med seg sju av dei åtte siste seriemeisterskapane til klubben. I 2017/18-sesongen spelte Bonucci for Milan, etter ei konflikt med dåverande Juventus-trenar Massimiliano Allegri.
Juventus har vunne serie-A dei siste åtte sesongane, og leier den italienske serien tolv kampar ut i serien i år.
Bonucci har 95 landskampar for Italia, og har scora sju mål for landslaget sitt.
(©NPK)
Leonardo Bonucci har forlengt med Juventus. Bildet er frå då italienaren scora for Italia mot Noreg i EM-kvalifiseringa mot Noreg i 2014. Foto: Terje Pedersen / NTB scanpix