Borch testa positivt på korona
Kjetil Borch (32) har fått konstatert koronasmitte. Han er ikkje med det norske rolandslaget til verdscupregattaen i sveitsiske Luzern seinare i veka.
Han opplyser om prøvesvaret på Instagram med eit bilete av to positive hurtigtestar. «Min rekke på 880 dager er åpenbart over», skriv Borch.
Med det viste han til talet på dagar han har klart å unngå å bli smitta.
Borch kom nyleg heim frå ein rokonkurranse i Nederland. Han fann ut at han var covidpositiv etter ein rutinesjekk.
Tidlegare i sommar stadfesta Horten-mannen at han held fram karrieren i singlesculler og satsar mot Paris-OL i 2024. Der gjer han eit siste forsøk på å olympisk meister.
Årets tredje og siste verdscupregatta varer frå fredag til søndag. Det norske laget utan Borch starta tysdag reisa til Sveits i bil frå Noreg. Dei måtte ta landevegen fatt etter at den planlagde flyreisa vart innstilt som følgje av pilotstreiken i SAS.
(©NPK)
Kjetil Borch under trening tidlegare i sommar. Foto: Javad Parsa / NTB
