Nordre

Brækhus har bytt trenar med Golovkin

Cecilia Brækhus har henta inn den rutinerte boksetrenaren Abel Sanchez etter at eks-trenaren Johnathon Banks fekk ansvaret for superstjerna Gennady Golovkin.

Det betyr at dei to bokseprofilane - Golovkin og Brækhus - rett og slett har bytt trenarar, skriv VG.

Banks hadde vore Brækhus' trenar frå august 2015 fram til ho nyleg avslutta samarbeidet med amerikanaren. Årsaka er at han tidlegare i år vart trenar for Golovkin.

- Eg følte at Golovkin vil ta mykje tid for Banks. Derfor valde eg ein ny trenar, seier Brækhus til VG.

Boksedronninga frå Bergen reiste tidlegare i sommar til USA, der ho trenar seg opp mot den 36. proffkampen sin. Verken motstandar, arena eller kampdato er klar enno, men det er sannsynleg at Brækhus går i ringen i haust.

Sist gong ho boksa var mot Aleksandra Magdziak Lopes i Carson, California i desember i fjor.

Den nye trenaren hennar, Abel Sanchez (63), var trenar for Golovkin i ni år fram til ein pengekrangel sette ein stoppar for samarbeidet tidlegare i år.

(©NPK)

Cecilia Brækhus skal trenast av 63-åringen Abel Sanchez fram mot sin neste kamp.
Foto: Berit Roald / NTB scanpix

ANNONSE
Annonse
ANNONSE
Annonse