Brannvesenet har kontroll på brann i bygning ved kornmølle på Flisa

Det er kontroll på brannen i ein bygning på området til Fiskå Mølle på Flisa i Innlandet.

Det skriv Innlandet politidistrikt på Twitter i 19.30-tida fredag kveld.

Det brann ei stund kraftig i bygningen, og politiet oppmoda bebuarar på Flisa som vart påverka av røyken, til å lukke vindauge og ventilasjon.

Bygget ligg på området til ei kornmølle på staden. Det skal ikkje ha vore personar i bygget då det byrja å brenne, og det har ikkje brunne i sjølve siloen.

Ifølgje Østlendingen husar bygget der brannen starta, kraftforproduksjonen. I bygget skal det vere ein murvegg mot resten av anlegget for å forhindre spreiing.

(©NPK)

Annonse
Annonse