Britisk politi stansa bryllaup med 400 gjester
Britisk politi aksjonerte torsdag kveld mot 400 gjester i eit bryllaup, som vart halde trass i eit landsdekkjande forbod mot komme saman utanfor hushaldet.
Bryllaupet vart halde på ein ortodoks jødisk skule nord i London, der vindauga var dekte til for å hindre innsyn, opplyser politiet.
I samsvar med dei strenge koronarestriksjonane i landet er det berre tillate med bryllaup under heilt spesielle omstende, som når den eine partnaren er alvorleg sjuk. Maksimalt seks personar kan uansett delta.
Arrangørane av bryllaupet på torsdag kan no vente seg ei bot på rundt 115.000 kroner.
Gjestene flykta då politiet slo til, men fem vart haldne tilbake og fekk bøter på 2.300 kroner kvar.
(©NPK)
Bryllaupet vart halde på ein skole i Stamford Hill nord i London. Foto: Stefan Rousseau / PA via AP / NTB
