Britisk storavis: Solskjær får United-jobben permanent

Styret i Manchester United har avgjort at Ole Gunnar Solskjær får jobben som manager på Old Trafford på fast basis, melder storavisa The Sun.

Den britiske tabloiden viser ikkje til nokon opne kjelder i artikkelen på måndag, men hevdar å ha kjennskap til at Solskjær har overtydd dei høgre herrane i United om at han er mannen å satse på.

Avisa skriv vidare at avgjerda om å tilsetje Solskjær på permanent basis kanskje ikkje blir offentleggjord før etter sesongslutt.

Ein annan britisk tabloid, Daily Mail, har den same nyheita måndag, men viser til The Sun og har ingen eigne kjelder.

United er så langt utan tap under leiing av Solskjær. Ti sigrar og éin uavgjort har det vorte på 11 kampar. Laurdag vart det 3-0-siger borte mot Fulham i Premier League.

Etter kampen fekk Solskjær og spelarane besøk i garderoben av klubbeigar Avram Glazer. Kristiansundaren ville i etterkant ikkje seie noko om han i nær framtid skal ha eit lengre møte med amerikanaren.

Tysdag ventar ein meir vrien oppgåve når Paris Saint-Germain er motstandar i meisterligaen.

(©NPK)

Ole Gunnar Solskjær har imponert som United-manager så langt. Foto: Matt Dunham / AP / NTB scanpix

ANNONSE
Annonse