Bryting: Bullen tok gull i U23-VM

Grace Bullen fekk revansj då ho vann over kinesiske Rong Ningning 5-2 og gjekk til topps i 59-kilosklassen i bryte-VM for U23-utøvarar i Romania torsdag.

Rong er same kvinne som banka Bullen i semifinalen i VM i oktober. Då enda Fredrikstad-utøvaren utan medalje.

I VM-semifinalen vart Bullen utklassa 2-12 av Rong, mens rollene var bytt om torsdag. Den kinesiske brytaren opna med 2-1-leiing, men Bullen heva seg og vann finalen 5-2.

Då sigeren var eit faktum jubla ho vilt og sprang rundt i brytearenaen i den rumenske hovudstaden med det norske flagga rundt skuldrene.

(©NPK)

Grace Bullen tok endå ein gjæv medalje i U23-VM i bryting torsdag.
Foto: Håkon Mosvold Larsen / NTB scanpix

Annonse
Annonse