Buss med skuleelevar hang utfor vegen i Buskerud
31 passasjerar - dei fleste av dei skuleelevar - måtte fredag evakuerast frå ein buss som delvis hang utfor vegen i Flesberg i Buskerud.
Bussen låg med hjula utfor vegkanten og med fronten støtta mot eit tre. Situasjonen vart vurdert som så utrygg at redningsmannskap meinte det var tryggast om passasjerane venta inne i bussen medan han vart sikra og forankra skikkeleg.
- Passasjerane er elevar og tilsette ved ein skule i Vestfold, opplyser operasjonsleiar Tore Grindheim i Sørøst politidistrikt til NTB.
Utforkøyringa skjedde på Juveliveien fredag ettermiddag. Evakueringa var over på ti minutts tid.
- Alle passasjerane er no ute av bussen og blir tatt vare på av helsepersonell, opplyser politiet på Twitter
(©NPK)
