Bustadprisnedgang i fjerde kvartal
Eiendom Norge slapp tysdag den regionale bustadprisstatistikken sin for fjoråret. - Mykje av prisfallet frå 2017 er henta inn igjen, opplyser Eiendom Norge.
- Eiendom Norges regionrapportar for fjerde kvartal viser ein velfungerande bustadmarknad i 2018, men med prisnedgang i dei fleste område i siste kvartal, seier kommunikasjonssjef Erik Lundesgaard i Eiendom Noreg.
Holmestrand i Vestfold opplevde sterkast vekst i kvartalet, med ein oppgang på 2,5 prosent, mens Bergen Nord/Aust hadde den svakaste utviklinga, med ein nedgang på 3,7 prosent.
Den sterkaste tolvmånadersveksten var på Ullern i Oslo, med ein oppgang på 7,8 prosent. Deretter følgde Vestre Aker bydel i Oslo med 7,7 prosent og Nordre Aker med 7,6 prosent.
- Fleire bydelar i Oslo har størst prisvekst i 2018, og mykje av prisfallet i hovudstaden i 2017 er henta inn igjen. I fjerde kvartal har prisane stort sett gått ned over heile landet, noko som er normalt i siste kvartal, seier Lundesgaard.
Den svakaste tolvmånadersveksten hadde Notodden i Telemark, med ein nedgang på 2 prosent. Lillehammer, og Elverum opplevde eit prisfall på høvesvis 1,7 og 1,6 prosent.
(©NPK)
Leilegheiter på Sørenga i Oslo. Ifølgje Eiendom Norge hadde fleire bydelar i Oslo størst prisvekst i fjor, og henta dermed inn mykje av prisfallet frå året før. Illustrasjonsfoto: Erik Johansen / NTB scanpix