Canada undersøkjer utslepp ved oljeplattform

Styresmaktene i Canada prøver å få oversyn over skadane etter at 250.000 liter olje rann ut i havet utanfor Newfoundland.

Seks skip og eit overvakingsfly vart måndag sett inn i arbeidet med å undersøkje området. Samtidig sette Canada-Newfoundland Labrador Offshore Petroleum Board i gang ei gransking set i gang

Utsleppet skjedde fredag frå ein røyrleidning mellom oljeplattforma South White Rose og eit tankskip. Oljefeltet White Rose ligg 35 mil søraust for provinshovudstaden St. Johns.

Oljeutsleppet blir rekna for å vere det største nokon gong i provinsen Newfoundland and Labrador. Likevel skal det så langt ikkje ha vorte observert noko oljeflak på havoverflata.

Selskapet Husky Energy, som er operatør på oljefeltet, trur olja allereie kan ha vorte oppløyst i vatnet.

(©NPK)

Annonse
Annonse