ANNONSE
Annonse

Ceferin utan motkandidatar til presidentvalet i Uefa

Aleksander Ceferin blir mest sannsynleg attvalt som president i Det europeiske fotballforbundet (Uefa) for ein fireårsperiode.

Aleksander Ceferin blir mest sannsynleg attvalt som president i Det europeiske fotballforbundet (Uefa) for ein fireårsperiode.

Torsdag vart det nemleg bekrefta at ingen vil utfordre slovenaren om topposisjonen. Presidentvalet i Uefa skjer i februar med Ceferin som einaste kandidat.

Ceferin vart for første gong valt i 2016 i kjølvatnet av Michel Platinis utestenging. Den gong slo han den dåverande visepresidenten Michael van Praag overlegent (42 mot 13 stemmer).

Til liks med Ceferin står ungararen Sandor Csanyi utan utfordrarar til posisjonen som visepresident. Han har vore visepresident sidan februar i år og stiller til attval.

(©NPK)

Aleksander Ceferin stiller til attval som Uefa-president. Han får ingen motkandidatar. Foto: Petr David Josek / AP / NTB scanpix

ANNONSE
Annonse
ANNONSE
Annonse