Colombias nyvalde president vil opne opp grensa til Venezuela

Gustavo Petro, som sist helg vann presidentvalet i Colombia, seier at han vil normalisere forholdet til Venezuela og opne opp grensa mot nabolandet.

Colombias avtroppande president Ivan Duque, som har vore ein av USAs viktigaste allierte i Sør-Amerika, slutta heilhjarta opp om Venezuelas opposisjonsleiar Juan Guaidó og anerkjende han som den rettsmessige presidenten i landet.

I februar 2019 braut Duque dei diplomatiske sambanda med Venezuela og stengde grensa, men venstreorienterte Gustavo Petro seier at han vil normalisere forholdet til nabolandet og den folkevalde presidenten Nicolás Maduro.

– Eg har kontakta Venezuelas regjering for å opne opp grensa og rette opp igjen menneskerettane på grensa, tvitrar Petro.

Maduro stadfestar at han har vore i kontakt med Petro.

– Eg har snakka med Colombias folkevalde president og gratulert han med sigeren på vegner av det venezuelanske folket. Vi diskuterte viljen til å rette opp igjen normalitet på grensa, og dessutan fleire spørsmål knytte til fred og velstand for begge folk, tvitra han i helga.

(©NPK)

Colombias nyvalde president Gustavo Petro vil normalisere forholdet til nabolandet Venezuela og president Nicolás Maduro. Foto: AP / NTB

ANNONSE
Annonse
ANNONSE
Annonse