Coop trekkjer seg som sponsor om Russland får delta
Coop, ein av hovudsponsorane til Det internasjonale skiforbundet (FIS), seier at dei trekkjer seg ut om FIS opnar for russiske deltaking kommande sesong.
Det var torsdag at det vart kjent at FIS-topp Michelle Vion opnar for ein retur for russiske og belarusiske utøvarar i verdscupen denne vinteren.
Det liker Coops kommunikasjonsdirektør Bjørn Takle Friis svært dårleg. Han er klar i talen i eit intervju med Adresseavisen:
Coop er storsponsor for verdscupen i langrenn.
– Vi forventar at FIS snarast mogleg avkreftar at det er aktuelt, seier Takle Friis til Adresseavisen.
– Vi trur nesten ikkje at utsegnene er sanne, seier Takle Riis,
Han stadfestar at dei har vore i direkte kontakt med FIS om saka. Dersom dei ikkje blir lytta til, så blir det umogleg for dei å halde fram som sponsor
– Vi har snakka med FIS og sagt kva vi meiner. Det er heilt uaktuelt å akseptere dette, og viss vi ikkje blir høyrde, så betyr det at vi ikkje kan halde fram som sponsor, seier Bjørn Takle Friis.
Fredag kom også ein samla, nordisk idrettsrørsle på banen. Dei ser ingen grunn til å sleppe russarane og belarusarane inn i varmen igjen til den kommande sesongen.
–
(©NPK)
Vegen fram til internasjonal deltaking verkar i augneblinken lang for Aleksandr Bolsjunov og dei russiske langrennsutøvarane. Foto: Annika Byrde / NTB.
