ANNONSE
Annonse
ANNONSE
Annonse

Daily Mail: Uefa droppar å gjere fotball-EM større

Det europeiske fotballforbundet (Uefa) kjem til å vrake planane om å utvide EM-sluttspelet i 2028 frå 24 til 32 lag, erfarer Daily Mail.

Årsaka er at rettshavarar har stilt seg kritiske til endå ei utviding av meisterskapen. Talet på deltakarnasjonar spretta opp frå 16 til 24 før EM i 2016.

Ei arbeidsgruppe internt i Uefa har sett på konsekvensane av å gjere sluttspelet endå større. Tilbakemeldingane frå TV-selskap over heile Europa har ikkje vore positive, skriv Daily Mail.

Dei har peika på at kvalifiseringa til framtidige europameisterskap vil ha liten kommersiell verdi ved ei utviding. I eit felt der 32 av 55 lag går vidare, er frykta stor for at det blir mange kampar utan betydning.

Rettshavarane og andre samarbeidspartnarar skal også ha vore lunkne til Uefas idear om å erstatte ei tradisjonell kvalifisering med ein utslagsserie og eit utvida program i nasjonsligaen.

Uefa er venta å ta ei endeleg avgjerd på eit styremøte i november.

(©NPK)

Det er venta at Uefa-styret seinare i haust vrakar planar om å utvide talet på lag i fotball-EM. Her er Uefa-president Aleksander Ceferin avbilda i 2020. Foto Peter Dejong / AP / NTB

ANNONSE
Annonse
ANNONSE
Annonse