Ursula von der Leyen er ny president for EU-kommisjonen

Ursula von der Leyen (60) er med god margin valt som EU-kommisjonens president etter ei avstemming i EU-parlamentet.

Dermed overtar von der Leyen presidentposten i EU-kommisjonen etter Jean-Claude Juncker frå 1. november. Ho blir første kvinnelege president i EU-kommisjonen, og også første tyskar på over 50 år med EUs aller gjævaste toppjobb.

383 stemte for den tyske kandidaten og 327 stemte imot. 22 medlemmer av EU-parlamentet stemte blankt, og éi stemme vart forkasta. Parlamentet består for augneblinken av 747 medlemmer og det magiske stemmetalet den tyske kristendemokraten trong for absolutt fleirtal, var 374.

(©NPK)

Ursula von der Leyen blir Jean-Claude Junckers etterfølgar som leiar for EU-kommisjonen, EUs absolutte toppjobb. Ho blir første kvinne i denne posisjonen. Foto: Jean-François Badias / AP / NTB scanpix

For to veker sidan vart den tyske politikaren nominert av EUs stats- og regjeringssjefar til å bli president i EU-kommisjonen. Tysdag var det opp EUs folkevalde i EU-parlamentet å ta stilling til forslaget. Foto: Jean-François Badias / AP / NTB scanpix