Gull til Falla, bronse til Eide på VM-sprinten
Maiken Caspersen Falla tok gullet og Mari Eide bronse på VM-sprinten for kvinner i fri teknikk. Stina Nilsson tok sølvet.
Falla var ustoppeleg mot sitt andre VM-gull i karrieren. Stina Nilsson måtte ta til takke med sølvet. Dei svenske løparane, Nilsson, Jonna Sundling og Maja Dahlqvist øydela for kvarandre i jakta på Falla i den siste svingen før oppløpet. Dermed stakk Falla ifrå og Eide kunne gå inn til ein overraskande bronse.
Det var første gong at Eide har vore på pallen i eit internasjonalt sprintrenn.
Kristine Stavås Skistad var knust då ho glei over mål etter å ha hekta i svenske Nilsson på oppløpet i semifinalen, då ho låg godt an til å slå den svenske OL-meisteren.
Tiril Udnes Weng vart slått ut etter å ha vorte nummer tre i kvartfinalen sin bak Maja Dahlqvist og tyske Victoria Carl.
(©NPK)
Maiken Caspersen Falla forsvarte VM-tittelen sin på sprinten. Foto: Terje Pedersen / NTB scanpix
Kristine Stavås Skistad blir trøysta av Mari Eide etter å ha falle i semifinalen. Foto: Matthias Schrader / AP / NTB scanpix
