Nordre

Demonstrasjonar mot oljeleiting i Australia utanfor Equinors generalforsamling

Både norske og australske miljøvernarar var på plass utanfor generalforsamlinga til Equinor for å seie meininga si om planane om oljeboring i Australbukta.

Demonstrantane på Forus stilte med bilde av fisk og sjødyr, og dessutan store banner med beskjed til selskapet om at dei bør la olje og gass liggje der det er utanfor Australia.

I juni 2017 vart Equinor operatør for og heileigar av to leitelisensar i Australbukta. Ved årsskiftet 2020/2021 skal boringa etter olje og gass starte, men først må dei få godkjent miljøplanen sin av det australske Petroleumstilsynet NOPSEMA.

Surfarar i Australia har demonstrert på strendene mot planane.

(©NPK)

Greenpeaces Ulvar Arnkværn hengjer opp banner utanfor generalforsamlinga til Equinor. På generalforsamlinga til Equinor skal eit aksjonærforslag som er reist av Greenpeace Norge og WWF Norge behandlast. Dette forslaget har støtte frå The Great Australian Bight Alliance, og delegasjonen vil vera til stades, ta ordet for å vise støtta si, i tillegg til å stile spørsmål til Equinors styre. Foto: Carina Johansen / NTB scanpix

Ragnhild Elisabeth Waagaard frå WWF og Martin Nordmann utanfor generalforsamlinga til Equinor. Foto: Carina Johansen / NTB scanpix

Kjersti Aspheim frå Greenpeace utanfor generalforsamlinga til Equinor.
Foto: Carina Johansen / NTB scanpix

ANNONSE
Annonse
ANNONSE
Annonse