Det amerikanske krigsskipet USS Iwo Jima har komme til Oslo
Det 257 meter lange amerikanske krigsskipet USS Iwo Jima kom tysdag ettermiddag til indre Oslofjord, der det skal halde til dei neste tre dagane.
Krigsskipet har vore i Noreg i samband med Nato-øvinga Trident Juncture, og har mellom anna vore i Trondheim. No skal det liggje til kai utanfor Akershus festning til fredag 16. november, skriv Aftenposten.
Skipet, som har eit mannskap på nesten 1.700, har ein toppfart på 22 knop, tilsvarande 41 kilometer i timen. USS Iwo Jima har òg kapasitet til å ha 12 militære fly av typen V-22 Osprey om bord.
- Skipet skal gjennomføre eit hamnebesøk i Oslo. Lokalbefolkninga i Trondheim har kunna sjå skipet fleire gonger den siste perioden, seier oberstløytnant og talsmann Ivar Moen ved Forsvaretst operative hovudkontor.
(©NPK)
USS Iwo Jima ligg til kai ved Akershus festning med helikopter på dekk.
Foto: Vidar Ruud / NTB scanpix
Det 257 meter lange krigsskipet er kalla opp etter slaget på Iwo Jima i Japan under andre verdskrigen. Skipet har vore i teneste i det amerikanske sjøforsvaret sidan 2001.
Foto: Vidar Ruud / NTB scanpix
Skipet har kapasitet til å ha 12 V-22 Osprey-fly, som har ein 12-meter tiltrotor på kvar vengje.
Foto: Vidar Ruud / NTB scanpix
USS Iwo Jima ligg til kai til og med fredag denne veka. Juletre på Aker Brygge lager julestemning i indre Oslofjord.
Foto: Vidar Ruud / NTB scanpix
