Det første biletet av eit svart hol i Melkeveien

Astronomar viste torsdag fram det første biletet av det svarte holet i sentrum av Melkeveien, vår eigen galakse.

European Southern Observatory (ESO) opplyser at biletet gir verdifull informasjon om korleis slike supermassive svarte hol, som blir anteke å vere i sentrum av dei fleste galaksar, fungerer.

Melkeveiens svarte hol blir kalla Sagittarius A*, og er nær grensa til stjernebileta Skytten og Skorpionen. Det er 4 millionar gonger meir massivt enn sola vår.

Biletet er eit resultat av arbeidet til eit globalt forskarteam kalla Event Horizon Telescope (EHT) Collaboration. Det er laga av åtte synkroniserte radioteleskop plasserte rundt om i verda.

(©NPK)

Astronomar viste torsdag fram det første biletet av eit svart hol i sentrum av Melkeveien, vår eigen galakse. Foto: Event Horizon Telescope Collaboration via AP / NTB

Annonse
Annonse