DFDS opnar ny rute til Frederikshavn og tek opp att rute til København
Ferjereiarlaget DFDS startar 25. juni ei ny rute mellom Oslo og Frederikshavn. Samtidig byrjar ferjene igjen å gå mellom Oslo og København.
Ruta mellom Oslo og København har vore stansa sidan midten av mars på grunn av koronarestriksjonane.
Begge rutene mellom Danmark og Noreg vil bli betent av dei to ferjene som har segla mellom Oslo og København, opplyser DFDS i ei børsmelding torsdag.
29. mai vart det kjent at Noreg og Danmark har inngått ein avtale som tillèt fritidsreiser mellom landa.
(©NPK)
Illustrasjonsfoto: Fredrik Varfjell / NTB scanpix / NPK
