Nordre

Djokovic til semifinale i London – kan bli gigantmøte

Novak Djokovic danka ut Alexander Zverev frå ATP-meisterskapen i tennis fredag. Verdseinaren booka plass blant dei fire beste etter siger i to strake sett.

Serbaren sikra semifinalebilletten i London med siffera 6-3, 7–6 (7-4). I gruppespelet fekk han to sigrar og eitt tap.

Djokovic skal bryne seg på US Open-vinnar Dominic Thiem i duellen om ein finaleplass. Den andre semifinalen går mellom Rafael Nadal og Daniil Medvedev.

Mange håpar på eit gigantmøte mellom rivalane Djokovic og Nadal i den siste kampen i sesongen. Sistnemnde har vunne det meste i karrieren sin, men aldri ATP-meisterskapen. Djokovic har greidd det fem gonger, seinast i 2015.

Innandørsturneringa består av dei åtte beste spelarane på herresida i 2020. Roger Federer måtte melde avbod, og det gav Diego Schwartzman moglegheita til å steppe inn.

(©NPK)

Novak Djokovic er klar for semifinale i ATP-meisterskapen. Foto: Frank Augstein / AP / NTB

ANNONSE
Annonse
ANNONSE
Annonse