Dos Santos knalla til då Warholm mangla

Alison dos Santos sprang inn til siger på den første 400 meter hekk i Diamond League i år. Brasilianaren sette USA-stjerna Rai Benjamin på plass.

Vinnartida i Doha vart 47,24. Tida var 25 hundredelar betre enn nestemann i feltet, som mangla Karsten Warholm på startstreken.

Prestasjonen til Dos Santos var årsbeste i verda. Thomas Barr frå Irland la seg inn som trear med 49,67 bak brasilianaren og Benjamin.

Warholm har varsla at han i år skal konkurrere mindre enn i tidlegare i sesongar. Den regjerande VM- og OL-vinnaren kan koma til å stå over alt i Diamond League fram til Bislett Games 16. juni

Etter det står både VM og EM på programmet. Warholm har verdsrekorden på 400 meter hekk med tida 45,94. Den rekorden sette han på vegen mot OL-gullet i Tokyo i fjor sommar.

(©NPK)

ANNONSE
Annonse
ANNONSE
Annonse