Eckhoff til NRK: – Vurderer å leggje opp
Skiskyttarstjerna Tiril Eckhoff opnar for at karrieren kan vere over.
32-åringen kjem med innrømminga i eit intervju med NRK onsdag.
– Eg er veldig usikker. Eg er litt i tenkjeboksen, sidan eg har slite såpass mykje med helsa. Eg grublar framleis litt på kva eg skal gjere, om eg orkar å ta ein sesong til, eller om eg skal «call it a day», seier ho.
Eckhoff har ikkje konkurrert til no i sesongen 2022/2023 og skal heller ikkje vere med i VM i Oberhof.
(©NPK)
Tiril Eckhoff kan komme til å gi seg. Foto: Terje Bendiksby / NTB
