Nordre

Eilertsen og Rudi vann NM i snowboardcross

Hanne Eilertsen og Ola Rudi vart noregsmeistrar i snowboardcross då snowboard-NM heldt fram i Trysil fredag.

- Heilt rått! Denne har eg jakta på lenge, i 19 år trur eg, og endeleg set han. No blir det feiring, sa 37-årige Rudi etter å ha vunne finalen til mennene før Håvard Heggem og Aleksander Østreng.

Landslagstrenar og tidlegare proffkøyrar Stian Sivertzen vart slått ut i semifinalen.

- Ola køyrde sinnssjukt solid i dag. Han hadde kjempegode startar, pumpa bra på kulene, og i svingane er han overlegen. Han hadde stålkontroll, sa Sivertzen i ei pressemelding frå snowboardforbundet.

Eilertsen vann kvinnefinalen før Sofia Bjarheim og Emilie Evensen. Juniorlandslagskøyraren tok òg sølv i slopestyle torsdag og er blant favorittane i big air laurdag.

- Det var veldig gøy å vinne. Dagen har vore kjempebra, og eg gler meg veldig til i morgon, sa ho.

Torjus Fossegård Snare og Andrea Rue vann juniorklassane.

(©NPK)

ANNONSE
Annonse
ANNONSE
Annonse