Nordre

ANNONSE
Annonse

Ein femdel av sørafrikanarane kan ha hatt koronasmitte

Rundt tolv millionar menneske, nesten ein femdel av befolkninga i landet, kan ha vore smitta av koronaviruset i Sør-Afrika, ifølgje regjeringa.

Sør-Afrika hadde tysdag registrert 650.749 smittetilfelle. Talet utgjer 47,8 prosent av alle koronasmitta i heile verdsdelen. Minst 15.499 av dei smitta i Sør-Afrika er døde.

Men det eigentlege talet på smitta kan vere langt høgare, kanskje 18 gonger så høgt, opplyser helseminister Zweli Mkhize.

– Dette utgjer rundt 20 prosent av befolkninga, seier han.

Styresmaktene gjennomfører no ei nasjonal undersøking som har til hensikt å fastslå meir nøyaktige tal på førekomsten av antistoff blant dei 58 millionar innbyggjarane.

Vaksineekspert Shabir Madhi ved universitetet i Witwatersrand meiner infeksjonsraten kan vere så høg som 40 prosent i folkerike område i landet.

(©NPK)

ANNONSE
Annonse
ANNONSE
Annonse