Elise Sandnes ny generalsekretær for Bispemøtet i Den norske kyrkja
Bispemøtet i Den norske kyrkja har tilsett Elise Sandnes som ny generalsekretær.
Sandnes kjem frå stillinga som stiftsdirektør i Oslo bispedømme, der ho tidlegare også har vore personalrådgivar, skriv Vårt Land.
Ho har også bakgrunn frå Norges KFUK-KFUM og frå presteteneste.
– Sandnes fører med seg ein unik kjennskap til liv og organisering i Den norske kyrkja og representerer ein nyttig kompetanse for Bispemøtet i den viktige fasen av utviklinga som vi no går inn i, seier preses for Bispemøtet, biskop Olav Fykse Tveit.
Sandnes tek over stillinga etter Christofer Solbakken, som har takka ja til stillinga som prost i Hadeland og Land.
(©NPK)
