Nordre

Eliteseriekampar i ishockey utsett etter koronasmitte i Sparta

Sparta har fått påvist koronavirus i spelartroppen. Det gjer at to av kampane i eliteserien i ishockey i helga, blir utsette.

Det opplyser Norges Ishockeyforbund. Kampane som treng ny dato er Frisk Asker – Sparta og Manglerud Star – Lillehammer. Dei skulle vore spelte høvesvis laurdag og søndag.

Sistnemnde må utsetjast fordi Manglerud Star møtte Sparta torsdag.

Det er ikkje kjent om det berre er snakk om éin smitta Sparta-spelar eller fleire koronatilfelle i Sarpsborg-klubben.

Ishockeyforbundet har gitt dei involverte klubbane frist til 30. november til å sende inn nye kamptidspunkt.

Torsdag gjorde forbundet det klart at eliteseriekampar som ikkje kan spelast etter 1. desember, vil bli avlyst.

(©NPK)

Det er påvist koronasmitte i Sparta. Det utset førebels to kampar i eliteserien i ishockey. Foto: Fredrik Hagen / NTB

ANNONSE
Annonse
ANNONSE
Annonse