Emery før storoppgjer mot Liverpool: - Vi vil aldri møte dei

Arsenal-trenar Unai Emery er i det spøkefulle hjørnet før storoppgjeret laurdag mot Liverpool i Premier League.

Laurdag kveld brakar det laus mellom dei to store gigantane på Anfield. Liverpool vart nummer to sist sesong i Premier League og vann meisterligaen etter siger over Tottenham i finalen. Onsdag slo dei Chelsea på straffer og vann den europeiske supercupen.

No seier Arsenal-trenar Unai Emery at dei ikkje vil møte Liverpool.

- Vi vil ikkje spele mot Liverpool, nokon gong. Vi føretrekker å ikkje spele mot dei. Det er verkeleg ei utmatting, seier Emery smilande på ein pressekonferanse.

Merseyside-klubben har opna sesongen med siger 4-1 over Norwich heime og 2-1 borte over Southampton. Arsenal starta med 1-0 over Newcastle borte og 2-1 over Burnley på heimebane.

Førre sesong vart Arsenal nummer fem i ligaen. Avstanden opp til Liverpool var på heile 27 poeng. Manchester City vann ligaen poenget føre Jürgen Klopps mannskap.

- Målet vårt er å minske avstanden til Liverpool, Manchester City, Tottenham og Chelsea. Å spele mot dei er ei stor utfordring. Det kjem til å bli ein veldig bra kamp mot Liverpool, uttaler Emery.

(©NPK)

Arsenal og Unai Emery har tatt seks av seks poeng så langt i Premier League. No står dei overfor ei tøff oppgåve: Liverpool på Anfield. Foto: Yui Mok / PA / AP / NTB scanpix.

Annonse
Annonse