Emil Hansson klar for Hannover

Den svensk-norske fotballspelaren Emil Hansson har meldt overgang til tyske Hannover. Den tidlegare Brann-spelaren har signert ein treårskontrakt.

Det stadfesta Hannover måndag kveld. 21-åringen melder overgang frå nederlandske Feyenoord.

- Å melde overgang til Tyskland er eit stort skritt som kjennest riktig ut for meg, seier Hansson til Hannovers nettstad.

Førre sesong var bergensaren på lån i Waalwijk på nivå to i Nederland. Då scora han tolv mål på 35 seriekampar.

Hannover rykte ned frå Bundesliga førre sesong. Iver Fossum var tre år i klubben før han signerte for danske AaB fredag.

Hansson melde overgang frå Brann til Feyenoord i august 2015. Han fekk tre kampar for den nederlandske toppklubben før utlånet til Waalwijk.

21-åringen har spelt for Noregs G17- og G19-landslag, men har i år spelt for det svenske U21-landslaget. I 2013 representerte han Sverige på G17-nivå.

Faren hans Patrik Hansson er svensk og tidlegare fotballspelar.

(©NPK)

Annonse
Annonse