Emma Lind blir Rajas nye statssekretær
Emma Lind vart i statsråd fredag utnemnt som ny statssekretær for kultur- og likestillingsminister Abid Raja (V).
Ho overtek for Gunhild Berge Stang som forlèt rolla 1. april.
Emma Lind har sidan 24. januar vore politisk rådgivar i Kulturdepartementet.
Det er òg gjort andre endringar blant statssekretærane. Kjartan Alexander Lunde er konstituert som statssekretær i 50 prosent stilling for klima- og miljøminister Sveinung Rotevatn (V) og 50 prosent stilling for næringsminister Iselin Nybø (V) i perioden 6. april-25. juli. Årsaka er at statssekretær Mathias Fischer skal avvikle foreldrepermisjon og ferie.
(©NPK)
