Endrar reglane for folkefinansiering

Finansdepartementet endrar regelverket slik at utlån gjennom plattformer for lånebasert folkefinansiering ikkje er konsesjonspliktig, på enkelte vilkår.

Folkefinansiering, på engelsk kjent som crowdfunding, er når enkeltpersonar går saman om å støtte eit prosjekt, anten ved hjelp av pengar eller andre ressursar. Saman med donasjon, påskjøning og aksjar er lån ei vanleg form for folkefinansiering.

Vilkåra departementet stiller for å to bort slike lån frå konsesjonsplikta, er at plattformene må drivast av eit låneformidlingsføretak eller eit finansføretak, og at det samla utlånet til långivar ikkje kan overstige 1 million kroner per år.

- Folkefinansiering er framleis ei ganske ny ordning som regjeringa ønsker velkommen og vil legge til rette for. Det har vist seg at det er behov for å gjere tydeleg reglane noko. Det gjer vi no gjennom denne forskriftsendringa, seier finansminister Siv Jensen (Frp).

Lån er etter finansføretakslova konsesjonspliktig for långivar, med mindre lån berre skjer i einskildståande tilfelle.

Lånebasert folkefinansiering blir kjenneteikna ved at lån blir formidla frå långivar til låntakar ved hjelp av ei elektronisk plattform.

(©NPK)

Finansminister Siv Jensen (Frp) presenterte fredag nye regler for folkefinansiering. Foto: Terje Bendiksby / NTB scanpix

Annonse
Annonse