Equinor startar opp att produksjon på streikeramma felt
Felta Gudrun, Oseberg Sør og Oseberg Aust startar oppkøyring av produksjon, etter at streiken blant medlemmer av Lederne vart avblåst.
Det skriv Equinor i ei pressemelding onsdag.
Regjeringa varsla tysdag kveld tvungen lønnsnemnd for å løyse arbeidskonflikten mellom arbeidstakarorganisasjonen Lederne og Norsk olje og gass (Norog) i samband med årets hovudtariffoppgjer.
Kort tid etter starta arbeidet med sikker oppstart av produksjonen på dei streikeramma innretningane. Alle felta er forventa å vere tilbake i full drift innan eit par dagar.
Oljefeltet Oseberg i Nordsjøen. Foto: Helge Hansen / NTB
