Erna Solberg stenger Facebook-veggen sin

Statsminister Erna Solberg (H) stenger veggen sin på Facebook mellombels. Det skjer etter at folk har publisert truslar og sjikane der.

Statsminister Erna Solberg (H) stenger veggen sin på Facebook mellombels. Det skjer etter at folk har publisert truslar og sjikane der.

Solberg opplyser om avgjerda i eit innlegg torsdag.

- Som statsminister har eg vore oppteken av å ha ei open Facebook-side der folk frå heile landet kan gi tilbakemeldingar. Inntrykket mitt er at folk likar å kunne gi respons direkte til meg, både ros og ris. Som ein av få politikarar har eg lenge hatt open vegg her på Facebook, skriv ho.

- Dei siste vekene har det vore svært høg aktivitet i kommentarfeltet og på gjesteveggen min. I utgangspunktet skal det vere høg terskel for å fjerne ytringar, men eg kan ikkje tillate truslar og sjikane mot andre menneske. Eg kjem derfor til å mellombels stengje gjesteveggen, held fram ho.

Solberg vil framleis ha opne kommentarfelt, men oppfordrar alle til å halde seg til sakene.

- Eg tek gjerne imot kritiske innspel, men alminneleg folkeskikk blir forventa. All form for rasisme og grove krenkingar blir sletta, skriv statsministeren.

Ifølgje Dagsavisen har det på Facebook-sida mellom anna vorte lagt ut ein trussel om å sprengje Stortinget, ein kommenter som kom som eit svar på Solberg sitt innlegg om FNs migrasjonsavtale.

(©NPK)

Statsminister Erna Solberg under opninga av Facebooks kontor i Oslo i 2016. Foto: Terje Pedersen / NTB scanpix

ANNONSE
Annonse