Etterlatne forlét møte med flyselskapet i sinne

Om lag 200 etterlatne etter dei døde i flyulykka i Etiopia forlét eit møte med representantar frå flyselskapet. Dei er oppgitte over å ikkje få fleire svar.

Møtet skjedde på eit hotell i Addis Abeba torsdag.

Ifølgje talspersonar frå flyselskapet Ethiopian Airlines er det etablert eit senter som dei etterlatne kan ringe til 18 timar i døgnet. Familiane til dei omkomne seier likevel at dei ikkje får svar på spørsmåla dei stiller.

157 menneske omkom då eit Boeing 737 MAX 8-fly styrta kort tid etter avgang frå Addis Abeba søndag. Flyet skulle til Nairobi i Kenya. Blant dei omkomne var norske Karoline Aadland.

(©NPK)

Etterlatne etter flyulykka i Etiopia på staden der flyet styrta. I hovudstaden Addis Abeba forlét etterlatne eit informasjonsmøte i sinne og frustrasjon torsdag. Foto: Mulugeta Ayene / AP / NTB scanpix

ANNONSE
Annonse
ANNONSE
Annonse