EU og Storbritannia einige om eit utkast til brexit-avtale
Regjeringa i London stadfestar at Storbritannia og EU har klart å bli einige om eit utkast til skilsmisseavtale.
Stadfestinga kom seint tysdag ettermiddag, etter fleire meldingar i britiske medium om at partane hadde vorte einige om ein avtaletekst kvelden før.
- Den britiske regjeringa samlast klokka 14 onsdag for å gå gjennom utkastet forhandlingsdelegasjonane har komme fram til i Brussel, og bli einige om vegen vidare, heiter det i ei utsegn frå Theresa Mays kontor.
