Flat avslutning på veka for Oslo Børs
Oslo Børs avslutta veka med ein ørliten oppgang. Hovudindeksen steig med forsiktige 0,03 til 866,16 poeng.
Equionor vart den mest omsetje aksjen på den siste børsdagen i veka. Selskapet fall likevel med 0,2 prosent.
Også DNB (-1,3), Nel (-1,1) og Norsk Hydro (-1) måtte ta helg med raude tal. Betre gjekk det for Tomra Systems, som vart dagens nest mest omsette aksje. Pantesystemselskapet gjekk opp 1,1 prosent.
Gjensidige Forsikring steig med 3,3 prosent, medan Orkla gjekk opp med 2,2 prosent. Det vart òg ei solid avslutning på veka for både Aker solutions og Kongsberg Gruppen, som steig med høvesvis 3,1 og 2,3 prosent.
Dagens soleklare vinnar vart Idex Biometrics, som steig med solide 19,8 prosent. I motsett ende av skalaen enda PGS, som fall med 4,8 prosent.
Fredag ettermiddag vart eit fat nordsjøolje omsett for 43,34 dollar – ei stigning på 0,18 prosent gjennom dagen.
Ute på dei tonegivande børsane i Europa endå det i raudt. DAX-indeksen i Frankfurt gjekk ned 0,41 prosent, medan FTSE 100-indeksen i London fall med 0,39 prosent. CAC 40 i Paris gjekk ned 1,12 prosent.
(©NPK)
Oslo Børs. Foto: Lise Åserud / NTB
