Nordre

Elevar kom uskadde frå to kanokantringar i Fredrikstad

Ingen vart skadde då elevar var involverte i to kantringar med kano i Fredrikstad kommune onsdag – den eine ved Lyngholmen i Oslofjorden, den andre ved Vispen.

Meldinga om kantringa ved Lyngholmen kom onsdag formiddag. Det dreier seg om 24 personar frå ein vidaregåande skule som har vore på kanotur, opplyser Aust politidistrikt.

– Det er kontroll på alle personane. Ingen skal vere skadde, men enkelte er litt kalde, opplyser operasjonssentralen.

Ifølgje Fredrikstad kommune er elevane frå Glemmen vidaregåande skule. Dei vart frakta til Helsehuset i Fredrikstad, der legevakta og kriseteamet i kommunen tok imot dei.

Også ved Vispen i Fredrikstad var det ein kanokantring onsdag. Elevane der er frå Borge skule. Alle vart berga opp av vatnet utan fysiske skadar. Elevane vart tekne med tilbake til skulen og blir oppfølgde der, opplyser kommunen.

(©NPK)

Det vart sett i gang ein omfattande redningsaksjon etter kanovelten ved Lyngholmen. Foto: Trond Øyvind Karterud / NRK / NTB

Politiet ved Foten badeplass i Fredrikstad. Foto: Håkon Mosvold Larsen / NTB

ANNONSE
Annonse
ANNONSE
Annonse