Nordre

Fleire tital såra under angrep mot flyplass i Saudi-Arabia

Minst 26 personar vart såra då houthiopprørarar i Jemen sende ein rakett mot ein flyplass i sørvestlege Saudi-Arabia, melder den saudileidde koalisjonen.

Ein allianse av land med Saudi-Arabia i spissen har sidan 2015 kjempa mot opprørsstyrkar i nabolandet Jemen.

- Eit fiendtleg prosjektil small i bakken på flyplassen i morgontimane onsdag. Åtte av dei skadde vart frakta til sjukehus, resten av dei vart behandla på staden for mindre skadar, melder ein talsmann for koalisjonen.

Angrepet førte òg til ein del materielle skadar.

Houthiopprørarane har stadfesta at dei har sendt ein kryssarrakett mot flyplassen. Houthiane har dei siste månadene trappa opp angrepa med dronar og rakettar mot saudiarabiske byar.

(©NPK)

ANNONSE
Annonse
ANNONSE
Annonse