Nordre

FN-sjefen ber om nødhjelpskorridorar i Etiopia

Humanitære korridorar må opprettast i Etiopia for å hjelpe sivile som blir ramma av krigshandlingane i Tigray, meiner FNs generalsekretær António Guterres.

– Vi er svært bekymra over situasjonen i Etiopia, seier Guterres til pressa i New York fredag.

Han åtvarar om dramatiske humanitære konsekvensar i nabolandet Sudan, der titusenvis av etiopiske flyktningar er komne.

– Vi har bede om full respekt for internasjonal humanitær lov og også for å opne humanitære korridorar, seier Guterres.

Så langt har etiopiske styresmakter ikkje teke imot tilbodet om nokon som helst form for mekling utanfrå, legg generalsekretæren til.

(©NPK)

Etiopiske flyktningar har strøymt til Qadarif-regionen i Sudan sidan krigen braut ut mellom sentralregjeringa og Tigray-opprørarane for over to veker sidan. Foto: Marwan Ali / AP / NTB

ANNONSE
Annonse
ANNONSE
Annonse