FN-sjefen prøver å få fortgang i klimaforhandlingar
Eit dårleg resultat i klimaforhandlingane i Polen kan få følgjer i mange år. FN-sjef António Guterres reiste onsdag tilbake til Polen for å mane til handling.
Ei FN-kjelde opplyser til nyheitsbyrået AP at Guterres, som talte under opninga av forhandlingane, er komme tilbake til byen Katowice.
FNs generalsekretær håper å bidra til fortgang i svært seige forhandlingar. To og ein halv dag før det store klimamøtet i Katowice etter planen blir avslutta, var det framleis ikkje noko gjennombrot.
- Mange land held korta tett til brystet. Det er ein del av forhandlingsspelet, seier forskingsdirektør Steffen Kallbekken ved CICERO senter for klimaforsking.
I Katowice prøver nærare 200 land å bli einige om eit regelverk for gjennomføringa av Parisavtalen.
Mange av temaa i samtalane kan stå fram som tekniske detaljar, men Kallbekken strekar under at utfallet er viktig. Regelverket som skal bli vedtatt denne veka, blir truleg ståande i mange år framover.
- Eit dårleg resultat i Polen kan låse landa fast i eit uheldig spor, seier Kallbekken til NTB.
(©NPK)
Demonstrantar i Katowice kravde laurdag sterkare tiltak for å bremse den globale oppvarminga. Foto: Alik Keplicz / AP / NTB scanpix
FNs generalsekretær António Guterres talte under opninga av klimaforhandlingane i Polen. Onsdag kom han tilbake for å bidra til fortgang i dei seige samtalane. Foto: Czarek Sokolowski / AP / NTB scanpix
