FN: Tonga vil trenge matvarehjelp lenge

Tonga vil truleg oppleve omfattande matmangel som følgje av vulkanutbrotet og tsunamien, og FN trur behovet for matvarehjelp blir langvarig.

– Sjølv før vulkanutbrotet hadde 20 prosent av familiane på Tonga ein usikker matsituasjon, seier ein talsmann for FNs matvareprogram (WFP), Tomson Phiri.

Tsunamien og oska frå vulkanutbrotet har øydelagt avlingar og tilgangen på fôr og fisk. Faren er heller ikkje over, åtvarar FNs nødhjelpskontor, OCHA, som viser til at det kan komme nye vulkanutbrot.

(©NPK)

Eit fly frå forsvaret i Australia landa torsdag i Tongas hovudstad Nuku’alofa med nødhjelp i lasta. Foto: AP / NTB

ANNONSE
Annonse
ANNONSE
Annonse