Nordre

ANNONSE
Annonse

FN: Tusenvis flyktar frå kampar aust i Syria

Nærare 25.000 menneske har det siste halvåret flykta frå Aust-Syria, der jihadistgruppa IS forsvarar dei siste attverande bastionane sine.

Mykje av uroa har funne stad i og rundt byen Hajin i provinsen Deir al-Zor, skriv FN i ei pressemelding fredag. Byen var inntil han vart teken av USA-støtta SDF-styrkar i desember, det siste urbane området som var kontrollert av IS i Syria.

Ifølgje FNs høgkommissær for flyktningar (UNHCR) har kampar og luftangrep drive 25.000 menneske på flukt nordaust i Syria dei siste seks månadene. Dei fleste av dei har søkt tilflukt i mellombelse leirar, i fleire tilfelle etter å ha måtta halde til fleire netter i ørkenen utan tilgang til mat eller vatn.

UNHCR varslar òg at dei har fått meldingar om eit «aukande tal sivile dødsfall» i området, utan å oppgi konkrete tal.

Anslagsvis 2.000 sivile er framleis fanga i Hajin, der kampane framleis går føre seg trass i at SDF-militsen ifølgje observatørgruppa Syrian Observatory for Human Rights (SOHR) har vunne kontroll over byen.

(©NPK)

Millionar av syrarar har blitt drivne på flukt frå heimane sine i løpet av den snart åtte år lange borgarkrigen i Syria. Mange av dei har flykta over grensa til Libanon, her ved ein flyktningleir i Bar Elias i Bekaadalen. Foto: Bilal Hussein / AP / NTB scanpix.

ANNONSE
Annonse
ANNONSE
Annonse