Forbod mot machete i Noreg
Regjeringa innfører forbod mot kjøp av machete frå 1. juni.
– Vi forbyr no kjøp og innehav av machete frå 1. juni. Dette er eit grep i kampen mot gjengkriminalitet og vald og truslar i det offentlege rommet, og eit tydeleg signal til dei som ikkje vil rette seg etter lov og rett, seier justisminister Monica Mæland (H) til Nettavisen.
Den nye våpenforskrifta, som vart vedteken fredag, trer i kraft 1. juni 2021. Med ho blir det innført eit forbod mot å erverve knivar med bladlengd frå 25 cm, medrekna machetar. For at eigarar av slike knivar skal få tid til å innordne seg etter den nye forskrifta, gjeld forbodet mot å ha slike knivar frå 1. juni 2022.
– Det er eit signal til alle dei som er involvert i kriminalitet og som trur det er lurt skaffe seg ein machete, seier statsråden.
Ho legg til at forbodet er ein del av ein større pakke regjeringa kjem med for å gjere det vanskeleg å vere gjengmedlem.
(©NPK)
Justisminister Monica Mæland (H). Foto: Stian Lysberg Solum / NTB
