Forsvaret: - Ingen feil på norske F35-fly

Norske F35-fly blei sette på bakken etter ein krasj i USA for to veker sidan, men flyforbodet er oppheva.

USA og dei internasjonale samarbeidspartnarane deira har mellombels suspendert alle F35-flya og set i gang ein omfattande inspeksjon av eit drivstoffrøyr inne i motoren på kvart fly, opplyste nyheitsbyrået AFP torsdag.

- Eg kan stadfesta at Forsvarsmateriell, som står for dette, har gjort det same, og flyforbodet for dei norske flya er oppheva etter at det ikkje blei funne nokon feil under inspeksjonen, seier major Roar Vold, pressetalsmann i Forsvaret, til NTB.

Inspeksjonen blei gjennomført på bakgrunn av førebels data frå undersøkingane til havarikommisjonen.

- Av tryggingsmessige årsaker fekk alle F35-kampflya flyforbod inntil dei nødvendige inspeksjonane blei gjort, seier Vold.

Det var 28 september at eit F-35B-fly frå US Marine Corps blei heilt øydelagt under trening i South Carolina i USA. Piloten skaut seg ut, og kom uskadd frå hendinga.

(©NPK)

F35 kampfly på Luke Air Force Base i Arizona i USA. Foto: Mads Claus Rasmussen / NTB scanpix

ANNONSE
Annonse
ANNONSE
Annonse