Fotball-VM kan inngå i gigantisk Fifa-sal

Tyske medium fortel at Det internasjonale fotballforbundet (Fifa) vurderer å selje diverse rettar - også delar av VM - for 230 milliardar kroner.

Tyske medium fortel at Det internasjonale fotballforbundet (Fifa) vurderer å selje diverse rettar - også delar av VM - for 230 milliardar kroner.

Det er WDR og Süddeutsche Zeitung som har fått innsikt i dokument. Fifa svarar at informasjonen er henta frå «eit gammalt dokument, eitt av mange hundre i Fifa-systemet».

Den moglege avtalen skal blant mykje anna innehalde rettar for ein verdsomfattande nasjonsliga og ei oppgradert klubb-VM-turnering. Fotball-VM for menn skal også til ei viss grad vere inne som eit element.

Ifølgje dei tyske media skal dei moglege investorane ha tette koplingar mot Saudi-Arabia.

For eitt år sidan lufta Fifa-president Gianni Infantino ideen om eit megasal av diverse rettar. Dette førte til skarpe protestar frå Det europeiske fotballforbundet (Uefa) og europeiske klubbar.

(©NPK)

Annonse
Annonse