Nordre

Fotballagent arrestert for svindel og kvitvasking

Politiet har slått til mot eigedommar i Belgia, Monaco og London i eit etterforskingsraid mot bedrageri og kvitvasking av pengar i fotballen.

To personar er arresterte, av dei er den eine agent. Agenten vart arrestert i Monaco. Også assistenten til agenten er arrestert. Han er busett i Liege i Belgia.

Raidet skal ha samanheng med salet av den serbiske spissen Aleksandar Mitrovic frå Anderlecht til Newcastle fór i underkant av 200 millionar norske kroner i 2015. Mitrovic spelte tre sesongar i Newcastle før han vart lagkamerat med Stefan Johansen i Fulham i 2018.

Ransakingane har ifølgje AP funne stad tysdag og onsdag.

- Det er snakk om mistanke om kvitvasking og korrupsjon i samband med sal av fotballspelarar, heiter det frå påtalemakta i Belgia.

Belgisk politi har fått hjelp av politiet i både Monaco og Storbritannia.

Saka skal ikkje ha forgreiningar til korrupsjonssaka som vart rulla opp i 2018. Då slo politiet til mot 57 adresser i Belgia og andre europeiske land. Den gongen jakta politiet på spor av økonomisk svindel og kampfiksing.

(©NPK)

Serbias Aleksandar Mitrovic scora mot Portugal i EM-kvalifiseringa for få dagar sidan. Foto: Marko Drobnjakovic / AP / NTB scanpix.

ANNONSE
Annonse
ANNONSE
Annonse